قال المحامي مرتضى منصور موجها كلامه إلى مصطفى النجار - الناشط السياسي- تعليقاً على تصريحاته الصادرة بشأن موقعة الجمل، "مفيش حد مات في موقعة الجمل" يا أستاذ يا كداب.
وأضاف مرتضى خلال مداخلة هاتفية لبرنامج "ممكن" على قناة "السي بي سي" مع الإعلامي خيري رمضان "مين أنت يابني ماخدتش رصاصة في عينيك ليه زي أحمد حرارة، عشان مسمعش صوتك تاني يا نجار.. اتق ربنا يا مصطفى أنت بقيت فاتح صدرك كدة ليه".
ورفض مصطفى النجار، التعليق على ما قاله منصور، واكتفى بقوله "لو ابنه كان اتقتل أو راحت عينيه ماكنش اتكلم كده"، مؤكداً أنه لم يتحدث عن شخص مرتضى منصور لكنه تحدث عن القضية بشكل عام معتبرا أن قرار القضاء "جريمة وفضيحة".
فتدخل مرة أخرى منصور، وقال للناشط السياسي مصطفى النجار: "اوعى تزايد يا مصطفى على الناس المحترمة اللي كانت في الميدان وإسأل عمرو سلامة، وخالد يوسف، وقول له احمد مرتضى كان في الميدان ولّا لأ"، وأضاف عندما يأمر النائب العام ببرائته غيابيا "يبقى الورق بيصرخ بيقوله ده مظلوم".
كما فجّر مرتضى منصور مفاجأة في نهاية المداخلة الهاتفية، مؤكداً أنه يعلم جيدا المتهمين "الجامدين" في موقعة الجمل، وأضاف "أقسم بالله العظيم أنا ماليش علاقة بالجمل ولا قتلنا ولا حرضنا".
